Urtarrilaren 29an, astelehenarekin, hasiko dira Estropalari kaleko irisgarritasuna eta saneamendua hobetzeko lanak.
Egingo diren lanen aurrekontua 136.000 eurokoa da eta Lurkide Hondalanak enpresak egingo ditu. Obrak 6 astetan bukatzea aurreikusten du Udalak.
Saneamendua eta irisgarritasuna hobetu
Egingo diren lanak hauek dira: Estropalari kaleko sanemanedua eta ur-hodiak berritzea, espaloiak zabaldu eta berritzea, argiteria publikoa hobetzea eta errepidea asfaltatzea.
Obraren ondoren, aldaketa izango da aparkalekuetan ere: gaur egun baterian dagoen aparkaleku-zatia lineakoa bihurtuko da.
Lanak irauten duen bitartean Estropalari kalea itxita egongo da ibilgailuentzat Bikamiotako errotondatik txaletetako bidegurutzera arte.
