Maiatzaren 24, 25 eta 26an egingo da Herriko Plazan aurtengo Garagardo Azoka, Orioko Arraunketa Elkarteak antolatuta Udalaren laguntzarekin.
Hiru egunetan hainbat garagardo-mota dastatzeko aukera izango da bertan, eta jatekoak ere ez dira faltako: ukondo errea, saltxitxak, patata-purea…
Aurtengoa Garagardo Azokaren 7. edizioa izango da.
Mirotza Saria
Sara Iparragirrek eta Imanol Alguacilek jasoko dute Arraunketa Elkarteak urtero ematen duen Mirotza Saria. Sara Iparragirre saskibaloi-jokalariak Europako Txapelketa irabazi zuen iaz IDK Gipuzkoa taldearekin; eta Imanol Alguacil, berriz, Realaren entrenatzailea da gaur egun. Lehenengo aldiz, bi oriotar izango dira Mirotza saria jasoko dutenak.
PROGRAMA
Hau da aurtengo Garagardo Azokaren programa:
Maiatzak 24, ostirala
19:00 Irekiera ekitaldia: Mirotza Saria emango du Arraun Elkarteak eta, gero, erromeria izango da BIDE BATEZ taldearekin.
22:30 Erromeria: BIDE BATEZ
Maiatzak 25, larunbata
11:00 Easo Motor desafioa
13:00 Garagardo Azokaren irekiera
18:00 HEMEN GATOZTINK kanpainaren azken txanpa
Ondoren, erromeria: Fand&Go
Maiatzak 26, igandea
13:00 Garagardo Azokaren irekiera
Goiz eta arratsaldez, HEMEN GATOZTINK kanpainaren azken txanpa
