Aurreko urtetan bezala, aurten ere inauteri festa izango da Orion, herriko haur eta gaztetxoei zuzenduta.
Festa Inauterietako larunbatean izango da, martxoaren 1ean eta arratsaldez egingo da, 17:00etan hasita.
Desfilea kalez kale eta festa kiroldegian. 17:00 – 20:30
Desfilea Bikamiotan hasiko da eta Karela kiroldegian amaituko da. Geldiuneak honako hauek izango dira: Sarasua eta Arkaitz.
Karelan dantza egingo dute desfilean parte hartu duten taldeek eta, ondoren, txokolate-jana izango da guztientzat. Segidan, Ai ene! musika taldearen kontzertua izango da 20:30ak arte.
Aurten ez da lehiaketarik izango.
