Udalaren laguntzarekin, kiroldegiko kudeatzaileek eta herriko eragileek kirol-eskaintza oparoa prestatu dute aurtengo udarako. BPXports, Orio Bate Bizkorrak, Orioko Futbol Elkartea, Orio Arraun Elkartea eta Orio Itsastresana Surf Kluba dira ikastaroen kudeatzaileak, eta 11 kirol-modalitate eskainiko dituzte. Izen-ematea maiatzaren 16an, astelehenarekin, zabalduko dute.
Jarduera guztiak hamabost egunekoak dira, eta prezioa, jardueraren araberakoa. Taula honetan duzue ikastaroen informazio guztia.
Izen-emate prozedura
Izen-ematea maiatzaren 16tik 31ra egin behar da. Formulario hau bete eta ekintza antolatzen duen entitateari entregatu beharko zaio.
Kiroldegiko jardueren kasuan, harreran jasoko dituzte formularioak. Gainerakoetan, posta elektronikoz bidali beharko dira, eta zalantzak argitzeko aukera izango da.
- BPXport: 943 894 428 eta orio@bpxport.es
- Orio Bate Bizkorrak: 667 227 820 eta bizkorrak@gmail.com
- Orioko Futbol Elkartea: 600 743 189 eta oriokoft@getaria.com
- Orio Arraun Elkartea: 658 388 822 eta orioae@orio-ae.com
- Orio Itsastresana Surf Kluba: 678 040 881 eta oriosurftaldea@yahoo.es
Plaza konfirmatu ahal izateko, dagokion diru-sarrera egitea eta ziurtagiria antolatzaileari aurkeztea ezinbestekoa izango da.
