Osteguneko azoka ikastola aurreko zabalgunean egingo da, goizeko 8:30etik 14:00etara. Azokak sarrera-puntu bat eta irteera-puntu bat izango ditu eta bezeroek hesiz markatutako ibilbide bati segituz bisitatu beharko dituzte postuak, honako segurtasun-neurriak hartuta:
- Bezeroek eta saltzaileek maskara jantzi beharko dute nahitaez.
- Azokara sartu aurretik eta ateratzerakoan, eskuak garbituko dituzte Udalak jarriko dituen xaboi-banagailuak erabiliz.
- Elkarren arteko segurtasun-distantzia gorde beharko dute bezeroek nahiz saltzaileek(bi metro).
- ‹Saltzaile bat, bezero bat› araua aplikatuko da uneoro. Gainontzeko bezeroek txandaren zain egon beharko dute, hesiaren bestaldean.
- Bezeroek galarazita izango dute jeneroa eskuz ukitzea.
‹Erloju horia› berriro indarrean
Bestalde, herritarrei gogorarazten zaie aparkaldi mugatuko eremuak indarrean daudela ostera eta, beraz, nahitaezkoa dela berriro «erloju horia» erabiltzea aparkaldi mugatuko eremuetan ordubetez aparkatu ahal izateko.
