Konfinamendua arinago izango da gaurtik aurrera

Traducción automática al castellano

Deskonfinamenduaren lehen fasean segitzen dugu Hego Euskal Herrian, baina, gaurtik aurrera, hainbat neurri aplikatzen ari dira, etxealdia arintzeko. Hauek dira garrantzizkoenak:

  • Oriotarrok Gipuzkoa osoan barrena mugitu ahal izango dugu eta, beraz, aukera izango dugu, esaterako, lurralde historikoko beste edozein herritan bizi diren senide eta lagunak bisitatzeko.
  • Kalera ateratzeko ordu-tarteak bertan behera utziko dira gaur 10.000 biztanletik beherako herrietan (Oriok 6.000 biztanle inguru du) eta, hortaz, oriotarrak nahi duten orduan atera daitezke kalera 06:00etatik 23:00etara, eta ez ordu jakinetan, adinaren arabera, orain arte bezala (neurri hau atzo iragarri zuen Espainiako Gobernuak eta iragarkia BOEn argitaratu ondoren jarriko da indarrean).
  • Berriro ere aisialdiko arrantzan edo ehizan aritzeko baimena izango dute herritarrek, elkarren arteko distantzia fisikoa gordeta.
  • Denda eta tabernek, berriz, aurreko astean jarritako neurriak betetzen segitu beharko dute, horietan baldintzak ez dira-eta aldatuko, hasiera batean, 2. fasean sartu arte. Aldaketa bakarra da merkealdia egiteko aukera izango dutela dendek azkenean, Espainiako Gobernuak hasiera batean ezetz esan bazuen ere.

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.