Tesinsa enpresak joan zen astean hasi zituen Itxaspeko bideko lastrak egonkortzeko eta harririk ez erortzeko lanak. Lanak bukatuta, Itxaspeko bidea zabalik da berriz oinezkoentzat gaurtik aurrera.
Itsaslabarretan ohikoak dira luiziak eta Orion ere gune askotan dago horren arriskua. Harri bistako lastrak ugariak dira gure kosta inguruan eta, tenperatura-aldaketen ondorioz, ohikoa izaten da lastra horietan hausturak izatea eta harriak erortzea. Nahiz eta gune askotan babes-hesiak edo sare metalikoak jarrita dauden, Udalak gogorarazi nahi die herritarrei beti tentuz ibili behar dela inguru horietan.