Perry So musika zuzendariak Verdiren La Traviata opera kontzertua zuzenduko du Donostiako Kursaalen, otsailaren 4an, asteartearekin. Saiora joan nahi duten oriotarrek autobusa izango dute doan, eta izena emateko epea urtarrilaren 29an bukatuko da, asteazkenarekin. Emanaldia 19:00etan hasiko da, eta Zumaiatik datorren autobusa 18:10an iritsiko da Orioko autobus-geltokira.
Nork bere sarrera erosi behar du
Ikuskizunera joan nahi dutenek beren kasa erosi behar dute sarrera Kursaalen webgunean.
Sarrera erositakoan, autobuseko tokia erreserbatu behar dute, infoturismoa@gmail.com helbidera idatzita edo 943 835 565 telefonora deituta. Sarrerak hainbat preziotan erosi daitezke, tokiaren arabera.
Ordu Gaztea / Langabetuak
Langabetuek eta 30 urtetik beherakoek 3 euroan erosi ditzakete sarrerak. Horretarako, sarrera erreserbatu behar dute 943 835 565 telefonora deituta. Behin erreserba eginda, kontzertuaren egunean, Kursaaleko leihatilara jo behar dute eta adina (Ordu Gaztea) edo lan-egoera (langabetuak) egiaztatu ondoren, sarrera ordaindu. Lekua leihatilan erabilgarri dauden sarreren araberakoa izango da.
Autobuserako izena emateko azken eguna urtarrilaren 29a izango da.
Gutxienez 15 pertsonako talde bat ez bada osatzen, eskaintza bertan behera geratuko da (erositako sarreren dirua bueltatuko da, hori gertatuz gero).