Arkupe merkatari, ostalari eta profesionalen elkarteak erakusleiho eta balkoi lehiaketa antolatu du aurtengo Gabonetarako, Orioko Udalaren laguntzarekin.
Lehiaketan herriko establezimendu guztiek eta herritar guztiek parte har dezakete.
Izen-ematea kultur etxean
Parte hartzeko, aldez aurretik, izena eman behar da kultur etxean. Izena emateko azken eguna abenduaren 10a izango da.
Sariak
Bi sari emango ditu Arkupek: bat erakusleiho dotoreenari eta bestea balkoi dotoreenari. Saria 300 euroko bonoa izango da, Arkupeko dendetan gastatzeko.
Sariak banatzeko ekitaldia abenduaren 29an izango da.
Lehiaketaren epaimahaia honela osatuko da: Arkupe elkartearen hiru ordezkari eta Udalaren bi ordezkari.
