Estropalari kalea asfaltatuko du Udalak ostegun-ostiraletan

Estropalari kalea asfaltatuko du Udalak maiatzaren 27 eta 28an. Kale osoa asfaltatuko da: 18. zenbakidun portaletik 30.era arte, eta hortik hondartza-bideko bidegurutzera arte.

Lanak ostegun goizean hasiko dira eta, eguraldiak laguntzen badu, ostiral arratsalderako bukatuko dira.

Bizilagunek kontuan hartzekoak

  • Asfaltatze-lanak egiten diren bitartean, kaleko aparkalekuak libre utzi beharko dira, eta ibilgailuen zirkulazioa moztuko da.
  • Ibilgailua inguruko garajeren batean dutenek, kontuan izan behar dute asfaltatze-lanak goizeko 08:00etatik 18:00etara egingo direla bi egun horietan eta, beraz, tarte horretan ibilgailua mugitu behar badute, aldez aurretik atera beharko dutela garajetik.
  • Lanek irauten duten bitartean ibilgailuak ahalik eta gutxien erabiltzeko eskatzen die Udalak inguru horretako bizilagunei.