Orioko elkarte ugarik osatzen du Korrika batzordea eta dagoeneko badira pare bat hilabete bilerak egiten hasi zirela, aurtengo Korrika antolatzen laguntzeko.
Batzordearen zereginetako bat izan da Korrika Kulturala antolatzea eta dagoeneko prest dago horren programa.
Korrika Kulturalaren barruko aurreneko ekitaldia joan den igandeko Hitz gurutzatuen lehiaketa izan zen.
Honako hau da Korrika Kulturalaren programa osoa:
Martxoak 15, ostirala
15:00 Korrika Txikia, Bikamiotatik plazara
Martxoak 16, larunbata
12:00 Orioko taldekako 3. bertsolari txapelketa. Lehen finalerdia Kolon Txiki tabernan
14:30 Euskaltzaleen bazkaria Loretxu jatetxean (bazkaritarako txartelak salgai, 25 eurotan, Kolon Txiki tabernan eta Lore burdindegian; azken eguna txartela erosteko: martxoaren 14a, osteguna)
18:00 Orioko taldekako 3. bertsolari txapelketa. Bigarren finalerdia Errusta tabernan
22:00 Korrika Gaua, herriko tabernetan
23:00 Orioko taldekako 3. bertsolari txapelketa. Finala Kalakari tabernan
Martxoak 22, ostirala
16:30 Mihiluze txapelketa ikastolan
22:00 ‘Bi arreba’ ikuskizuna kultur etxean: Xabier Lizaso piano-jotzailea eta Andoni Egaña bertsolaria
Martxoak 23, larunbata
15:00 Korrika iritsiko da Oriora, Zarauztik barrena
