Marrazki lehiaketa antolatu du Euskara batzordeak

Datorren ostiralean egingo da, Herriko Plazan, eta saritutako lanak San Pedro jaietan argitaratuko den literatur lehiaketaren liburuan agertuko dira.

Honako hauek dira marrazki lehiaketa arautuko duten oinarriak:

1.- Lehiaketarako marrazkiak ekainaren 6an egingo dira Herriko Plazan, 17:00etan hasita eta bertan entregatuko dira.

2.- Marrazkietarako gaia librea da.

3.- Partaide bakoitzak bi marrazki aurkez ditzake, gehienez.

4.- Zortzi maila izango dira: Lehen Hezkuntzako 3, 4, 5 eta 6. mailak eta DBHko guztiak.

5.- Parte-hartzaileek oriotarrak izan behar dute edo Orion bizi edo ikasi.

6.- Marrazkiak folio tamainan aurkeztuko dira. Udalak jarriko ditu folioak eta pinturak; marrazkiak bertan egin behar dira, atzealdean honako datuak jarrita:
       – Izen-deiturak
       – Adina
       – Telefonoa eta ikasketa maila

7.- Udalak epaimahai bat izendatuko du, maila bakoitzeko lau marrazki onenak aukeratzeko. Argitaratzen diren lanen egileek saritxo bana izango dute.

8.- Orioko Udalak eskubidea izango du aukeratutako lanak argitaratzeko.