Oria Bizi elkarteak herritarren bizitza aktiboa sustatzea du helburu, modu jarraituan praktikatutako lehiarik gabeko arraunaren bidez. Elkarteak egiten duena herritarrei azaltzeko eta eskaintzen dituen baliabideak ezagutarazteko, ate irekien saioak egingo ditu berriro maiatzaren 30ean eta 31n, ostiral eta larunbatarekin.
Hiru hitzordu izango dira egun bakoitzean:
- Maiatzaren 30ean: 16:30ean, 17:30ean eta 18:30ean.
- Maiatzaren 31ean: 8:30ean, 9:30ean eta 10:30ean.
Interesa duten herritarrek galdetegi hau bete behar dute eta hitzordua aukeratu.