San Pedro festetarako gero eta gutxiago falta da, eta Orioko Udalak berritasun baten berri eman nahi die herritarrei, ohar honen bidez: aurtengo festak ez dira, ohi bezala, San Pedro bezperan hasiko, baizik-eta egun bat lehenago, ekainaren 27an, ostiralarekin. Txupinazoa arratsalde-iluntze partean botako da, festetako asteburuari hasiera emateko. Bukaera, berriz, San Pedro bigarrenean emango zaie, astelehenez.
Txupinazoa egun bat aurreratzeko erabakia San Pedro jai-batzordearen bilera batean hartu zen, eta asteburua hobeto aprobetxatzea izan da horretarako arrazoi nagusia. Hala, herritarrek festez gozatzeko aukera zabalagoa izango dute asteburu osoan.
Ekainaren 20an plazaratuko du Udalak festa-programa. Esku-orri bat banatuko da etxez etxe, jarduera guztien xehetasunekin.