Maria Maestra haurreskolan matrikulatzeko epea zabalduko da datorren urtarrilaren 13an eta epea irekita egongo da aste betez, urtarrilaren 17ra arte.
Epe horren barruan, 0-2 urteko haurrek daukate aukera haurreskolan matrikulatzeko. Momentu honetan, honako plaza hauek ditu libre haurreskolak:
- 7 plaza, 0-1 urte arteko haurrentzat.
- 5 plaza, 1-2 urte arteko haurrentzat.
Urtarrilaren 16tik 30era bitartean jaiotzen diren haurrek otsailaren 3a bitarteko epea izango dute, izena emateko; eta urtarrilaren 31tik otsailaren 18ra bitartean jaiotakoek, otsailaren 20a arte eman ahal izango dute izena.
Matrikula egiteko edota zalantzak argitzeko, Haurreskolara jo behar da, ondoko ordutegi honen barruan: goizez, 9:30-11:00, eta arratsaldez, 15:00-16:00. Telefonoz ere egin daiteke kontsulta, zenbaki honetara deituta: 943 890625.
